تنفرد جريدة كدة وكدة للاخبار الكاذبة بان تنشر لكم تفاصيل الحوار الذى دار بين القائد العام للقوات المسلحة والقائد الاعلى للقوات المسلحة المخلوع رقم 2
انفردت كاميرات ومسجلات جريدة كدة وكدة بتغطية اللقاء بين الرئيس المخلوع رقم 2 وبين القائد العام للقوات المسلحة وبحضور رئيس الوزراء السابق هشام قنديل واليكم التفاصيل
الرئيس : يعنى ايه يا سيسى تطلع تقول انك بتمهل الاطراف السياسية 48 ساعة دون الرجوع لى .
السيسى : طب انت مهزوز ليه.
قنديل : نعم!!!!!
الرئيس : على فكرة يا سيسى انا الرئيس الشرعى انا اول رئيس منتخب والتهديدات بتاعتك دى ما تكلش معايا دنا صايع قوووووى
السيسى : على فكرة يا ريس انا قعدت مع غالبية اطياف الشعب والكل اجمع على انك لابد ان ترحل فاما ان تخرج خروج امن او تتحمل عواقب ذلك
الرئيس : انا الرئيس الشرعى .. انا جاى بالشرعية . شرعية ، شرعية ،شرعية ، شرعية ، شرعية
قنديل : كفاية يا سيسى الرئيس علق ارحم امه العيانة
السيسى : طب انا عندى اقتراح يرضى جميع الاطراف (ممكن تطلع تقول خطاب بس ما يزدش عن نصف ساعة عشان عرفك لما بتمسك المايك ما بتسبهوش غير لما الناس تنام) وتقول انك بتقيل الحكومة ـ وبتشكل حكومة ائتلافية ـ وتشكل لجنة لتعديل مواد الدستور ـ وتمهل المحكمة الدستورية فترة بسيطة للانتهاء من مشروع انتخابات البرلمان ـ وحل مجلس الشورى ـ وادعو لانتخابات رئاسية مبكرة ، وانا اضمنلك ترشح نفسك مرة تانية وخلى الصندوق يقول كلمته.
قنديل : ايه يا سيسى انت بتضحى بية ولا ايه ؟
الرئيس : ياسيسى انا الرئيس الشرعى واللى بتقوله ده مخالف للشرعية شرعية ، شرعية ،شرعية ، شرعية ، شرعية شرعية ، شرعية ،شرعية ، شرعية ، شرعية
السيسى : خلاص انت حر خلى الشرعية تنفعك انا كدة عملت اللى عليا متزعلش من اللى هيحصل .
الرئيس : ياسيسى اوعى تخالف الشرعية شرعية ، شرعية ،شرعية ، شرعية ، شرعية, شرعية ، شرعية ،شرعية ، شرعية ، شرعية
السيسى : يا عم كفاية هو انت لازم تكمل ال 77 كلمة شرعية فى كل كلامك
الرئيس : الشرعية شرعية ، شرعية ،شرعية ، شرعية ، شرعية شرعية ، شرعية ،شرعية ، شرعية ، شرعية
السيسى لقنديل : يا قنديل ما تلم الريس بتاعك وهديه لحسن ده شكلة مخه لحس
قنديل : شرعية ، شرعية ،شرعية ، شرعية ، شرعية شرعية ، شرعية ،شرعية ، شرعية ، شرعية شرعية ، شرعية ،شرعية ، شرعية ، شرعية
السيسى : هار اسود ده عداك انت كمان اما اقوم من جنبه لحسن اتعدى انا كمان (شرعية ـ شرعية ـ شرعية) ايه ده انا كمان زوغان
وطبعا الكلام ده مش مظبوط ما هى جريدة كدة وكدة
ليست هناك تعليقات:
إرسال تعليق