مسلسل اين الحقيقة الحلقة الاولى

يـــــــــــــــــــــــــــن الحقيــــــــــــــــــــقة؟
بعد سماع الكثير من التصريحات على لسان متحدثو الرئاسة وغيرهم من قيادات الاخوان 
ثم بعد ذلك نفى هذه التصريحات 
فقد قررت ان اكتب المسلسل (اين الحقيقة؟)
والذى سيظهر فيه تصريحات جبارة ثم تكذيبها او عدم تنفيذها
المسلسل اعداد واخراج "مواطن"
بطولة قيادات الاخوان المسلمين وغيرهم
واليكم اولى الحلقات وهى (القرض الروسى)
الرئاسة: ان رايح لفلادمير صاحبى احاول اطلب منه مبلغ نفك بيه زنقنا وبالمره ناخد شوية قمح منهم عشان نسد جوعكم
الشعب : قروض تانى يا ريس ما كفاية عشان احنا كدة هنغرق فى الديون اكتر ما احنا غرقنين.
الرئاسة : عيب عليك يا شعب انت ناسى مشروع النهضة ده اللى هيسدد الدويون اللى علينا وهيركبكو كلكو العربيات الفاخمة وتعيشو فى قصور
الشعب : روح يا ريس على بركة الله .. بس خليك فاكر انى قولتلك بلاش.
الرئاسة: جهزيلى يا ام محمد الشنطة انا ريح روسيا لفلادمير حبيبى اخد منه قرض وقمح
ام محمد : حاضر يا خويا من عنيا وبالمرة احطلك شوالين قماش كبار وجامدين واحد للفلوس وواحد للقمح وابقى خد معاك الواد قطونيل عشان يشيل معاك اه انت مش هتقدر لوحدك
الرئاسة : ايه يا ولية الكلام ده شواليين ايه وقطونيل ايه هو رايح زيارة لامك دنا رايح روسيا وهقابل فلادمير حبيبى (اكيد مش هيخلينى اشيل الحاجة ده كلها لوحدى وهيبعت معايا حد ....!)
ووصل الرئيس لنظيره الروسى فى روسيا
الرئاسة : ازيك يا فلاد يا حبيبى
فلادمير: اهلا بيك ابو محمد عامل ايه
الرئاسة : انا كويس بس كنت قصدك فى خدمة
فلادمير : أأمر حبيبى .... وبينه وبين نفسه بيقول (دلوقتى هبداء يطلب فلوس انا عارفه ما بيروح بلد غير لما يطلب منها فلوس)
الرئاسة : والله وفلاد يا صحبى انا عايز اخد من عندكم قرض مبلغ بسيط وهرده اكيد
فلادمير : قرض ... (انا قلت لازم يطلب فلوس ده خلاص بقى محفوظ)
الرئاسة : وكمان شوية قمح
فلادمير: قمح ... (كمان قمح ياروح النونة دنتا طيب قوى)
الرئاسة : قولت ايه ؟
فلادمير : شوف يا حبيبى انت اكتب طلب واحنا هنرد عليه فى اقرب وقت انت عايز كام ... (وبينه وبين نفسه ... ابقى قابلنى يا روح امك)
الرئاسة : احنا عايزين 2 مليار دولار ومتقلقش ممكن نديك الساعة رهن
فلادمير : لا يا حبيبى ساعة ايه انت بتهزر احنا فيه بينا الكلام ده (ههههههههه .. الساعة ده تحطها فــ ............. ايدك)
الرئاسة : طب والقمح
فلادمير : استنى هتصلك بوزير الزراعة بتعنا نيكولاي فيودوروف اشوف عنده حبة قمح زيادة ولا لاء
نيكولاى: ياباشا هو الراجل ده كل ما يروح بلد يشحت منها
فلاديمير : اخلص يا نيكو عايزين نزحلقه اقوله ايه
نيكولاى : قولو ياباشا لو المحصول السنة دى عمل 95 مليون طن ممكن نشوف الطلب بتاعه ده ... وطبعا المحصول مش هيجيب الرقم ده .. حتى لو جاب مش هنقوله الحقيقة وبكدة نبقى خلصنا منه
فلاديمير : ماشى هقوله
الرئاسة : يترى نيكو قلك ايه . اكيد وافق ... طبعا اصله بيعزنى زيك بالظبط
فلاديمير : طبعا طبعا انت عارف ان كلنا بنعزك .. (ونفسنا نغزك) بس هو مستنى المحصول لما يجيب 95 مليون طن لو جاب الرقم ده ممكن نديك 2 كيلو ولا حاجة بدل متروح ايدك فاضية واهى حاجة تخش بيها على ام محمد برضه.
الرئاسة : اه مفهوم
وعاد الرئيس بسلام الى الوطن وهو قفاه يقمر عيش
وقابلته ام محمد : ها عملت ايه فى روسيا وايه الشنطة الصغير اللى ايدك ده شوفت اديه ضحك عليك واداك شنطة صغيرة .. فيها لو كنت سمعت الكلام وخد معاك الشواليين
الرئاسة : يا ولية بطلى بقى ده الشنطة ده انا جايب 2 كيلو برتقال من الفكهانى اللى ورا القصر .. ولا كنتى عايزنى ادخل ادام الناس بايدى فاضية
وعلم الشعب بعودة الرئيس
الشعب : حمد لله على السلامة يا ريس
الرئاسة: الله يسلمك يا شعبى الحبيب ... انا الحمد لله رجعت من روسيا بعد ما اكد على فلاديمير ان احنا مش راضيين على اللى بيحصل فى سوريا الحبيب
الشعب : سوريا ايه يا ريس احنا بنساءل على القرض والقمح
الرئاسة : قرض ... قمح .. انتو فاكرين انى روحت اشحت منهم انا روحت عشان اقلوهم يتدخله فى حل ازمة سوريا
الشعب : يا ريس انت قولت انك رايح تجيب قرض من روسيا وقمح
الرئاسة : ....(الله يخرب مطنك يا ام محمد ميتبلش فى بقها فولة ) انا قولت كدة .. هاراسود .. ما حصلش
فالشعب ساءل : اين الحقيقة والى اللقاء فى حلقة قادمة
المراجع على الينكات الاتية
http://www.skynewsarabia.com/web/article/196876/مصر-وروسيا-قرض-وتعاون-نووي
http://www.youtube.com/watch?v=b6wHDFs400E